10 روشتات مخ و أعصاب بتثير الجدل
10 روشتات مخ و أعصاب بتثير الجدل بين المريض و الدكتور١- روشته مريض صداع نصفي فيها أدويه كهرباء المخ أيوه ده عادي ..الفالبروات و التوبيرميت أدويه كهرباء و بتحسن الصداع النصفي ٢- روشته مريض سكر عنده التهاب اعصاب فيها ادويه كهرباء المخ أو أدويه اكتئابأيوه ده عادي .. الكاربامازيبين دواء كهرباء و بتحسن الآم الأعصاب و الاميتربتالين دواء اكتئاب و بيحسن الالم٣- روشته مريض رعشه فيها ادويه كهرباء المخ أو أدويه اكتئاب أيوه ده عادي ..توبيرميت دواء كهرباء و بيحسن الرعشه و ميرتازابين دواء اكتئاب بيحسن الرعشه ٤- روشته مريض باركنسون او شلل رعاش فيها دواء مثبط لهورمون اللبن بتاع وقف الرضاعه 😂😂 الراجل يتصدم 😲ايوه في أدويه باركنسون لها علاقه لهورمون اللبن و لو انها قليله الاستخدام حاليا٥- روشته مريض صداع عنقودي فيها كورتيزونايوه ده عادي .. ده نوع من الصداع بيتحسن بالكورتيزون.. متستغربش ده بيتحسن كمان بدواء ضغط اسمه verapamil٦- روشته طفل عنده تشنجات فيها كورتيزون برضه عادي .. هناك نوع من التشنجات اسمه infantile spasms بيتسجيب الكورتيزون.. متستغربش٧- الاندرال .. دواء اصلا منظم لضربات القلب بنتسخدمه في المخ والأعصاب لعلاج الرعشه و التوتر و الصداع النصفي .. فما مفيش يترعب المريض لموضوع القلب ده ... الدواء له كذا إستخدام ٨- الكورتيزون .. مضاد للالتهاب قوي بنسخدمه في علاج كتييير من الأمراض المناعيه في المخ و الاعصاب و التهاب الاعصاب معلومات بديهيه جدا .. فبلاش تصدير فكره انه سم هاري ..دواء له بعض الاعراض الجانبيه زي اي دواء و اي دكتور بيكتبه هيعرف ازاي يتعامل معاها٩- أدويه الإكتئاب .. بتحسن التوتر و القلق و الصداع التوتري و الاعراض النفسجسمانيه و الفيبروميالجيا و متلازمة الإرهاق المزمن و لا تسبب التعود و لا الادمان كما يشيع الكثير البعض ١٠- بعض المهدئات مثل ماده benzodiazepines استخداماتها كتير في المخ و الاعصاب بغض النظر عن كونها مهدئاتبتحسن اضطرابات الحركه و التقلصات العضليه و الديستونيا و اضطرابات النوم و الصرع فلا داعي للعجب من وجودها و تحذير المريض منها بدون داع
